ប៊ីវីអឹម មានសេចក្តីសោមនស្សរីករាយ ក្នុងការបើកដំណើរការស្ថានីយប្រេងឥន្ធនៈ ប៊ីវីអឹម អន្លង់វិល ក្នុងខេត្តបាត់ដំបង ដែលជាជំហានដ៏សំខាន់មួយក្នុងការពង្រីកវត្តមានរបស់ខ្លួននៅកម្ពុជា នាថ្ងៃទី ៣០ ខែមិថុនា ឆ្នាំ ២០២៥។ ប៊ីវីអឹម មានសេចក្តីរំភើបរីករាយក្នុងការបម្រើប្រជាពលរដ្ឋនៅអន្លង់វិល និងតំបន់ជុំវិញ ដែលនាំមកនូវភាពងាយស្រួល ប្រេងឥន្ធនៈដែលមានគុណភាពខ្ពស់ និងសេវាកម្មដែលល្អប្រសើរជូនអ្នកប្រើប្រាស់ និងសហគមន៍នៅតំបន់នោះ។ ស្ថានីយប្រេងឥន្ធនៈ ប៊ីវីអឹម អន្លង់វិល គឺជាស្ថានីយស្តង់ដាទីបីរបស់ក្រុមហ៊ុនប្រេងឥន្ធនៈ ប៊ីវីអឹម។ នៅឆ្នាំ ២០២៣ យើងបានបើកស្ថានីយស្តង់ដាផ្លូវការដំបូងរបស់យើងនៅព្រែកអញ្ចាញ ស្រុកមុខកំពូល ខេត្តកណ្តាល។

ប៊ីវីអឹម តែងតែបន្តខិតខំប្រឹងប្រែងក្នុងការបង្កើនចំណេះដឹង ទៅកាន់ក្រុមការងាររបស់យើង ពាក់ព័ន្ធទៅនឹងសុខភាព និងសុវត្ថិភាពក្នុងកន្លែងការងារ (OSH)។ នៅថ្ងៃទី 6 ខែមិថុនា ឆ្នាំ 2025 កន្លងទៅនេះ ប៊ីវីអឹមបានរៀបចំវគ្គបណ្តុះបណ្តាលស្តីពីសុខភាព និងសុវត្ថិភាពក្នុងកន្លែងការងារ (OSH) ដែលទាក់ទងលើប្រធានបទសំខាន់ៗដូចជា ការណែនាំស្តីពីសុខភាព និងសុវត្ថិភាពក្នុងកន្លែងការងារ (OSHA) ការយល់ដឹង និងការគ្រប់គ្រងគ្រោះថ្នាក់ ឧបករណ៍ការពារផ្ទាល់ខ្លួន ផែនការសកម្មភាពសង្គ្រោះបន្ទាន់ និងផែនការបង្ការអគ្គីភ័យ។

សូមស្វាគមន៍ការត្រឡប់មកវិញនូវការប្រកួតកីឡា BVM Cup រដូវកាលឆ្នាំ 2025! ការប្រកួតប្រជែងដើម្បីសុខភាព ការចូលរួមដំណែក និងស្មារតីក្រុម។ ដូចទៅនឹងឆ្នាំមុនៗដែរ កម្មវិធីប្រកួតប្រជែងកីឡាប្រចាំឆ្នាំនេះ ត្រូវបានរចនាឡើងជាពិសេសសម្រាប់បុគ្គលិកទាំំងអស់ក្នុងការលើកកម្ពស់សុខភាព និងសុខុមាលភាពទូទៅរបស់បុគ្គលិក បង្កើនទំនាក់ទំនងកាន់តែជិតស្និត ផ្តល់ទំនុកចិត្តទៅវិញទៅមកនៅក្នុងគ្រួសារ ប៊ីវីអឹម តាមរយៈសកម្មភាពប្រកួតកីឡាចំនួន ៦ ខុសៗគ្នា ដូចជា កីឡាវាយបាល់លើតុ វាយសី ទាញព្រ័ត្រ Petanque