សូមស្វាគមន៍មកកាន់ក្រុមហ៊ុន ប្រាយវិកថឹរីមេគង្គ ភេត្រូលៀម អ៊ីមផត អិចផត ខូអិលធីឌី (ប៊ីវីអឹម ភេត្រូលៀម) ម៉ាកយីហោផ្គត់ផ្គង់ និងចែកចាយប្រេងឥន្ធនៈដែលមានគុណភាព និងទទួលបានទំនុកចិត្តពីអ្នកប្រើប្រាស់ក្នុងព្រះរាជាណាចក្រកម្ពុជា។ ក្រុមហ៊ុនប្រេងឥន្ធនៈ ប៊ីវីអឹម បានបង្កើតឡើងក្នុងឆ្នាំ ២០០៨ ដោយម្ចាស់ភាគហ៊ុនជនជាតិខ្មែរ និងក្លាយជាក្រុមហ៊ុនក្នុងស្រុកឈានមុខគេមួយនៅក្នុងវិស័យលក់ និងចែកចាយប្រេងឥន្ធនៈក្នុងព្រះរាជាណាចក្រកម្ពុជា។

ក្នុងនាមជាក្រុមហ៊ុនប្រេងឥន្ធនៈដែលបានចុះបញ្ជី និងទទួលស្គាល់ពីរាជរដ្ឋាភិបាលកម្ពុជា ពួកយើងមានឯកទេសលើការនាំចូល លក់ និងចែកចាយប្រេងសាំង និងម៉ាស៊ូត។ ជាច្រើនឆ្នាំមកនេះ តាមរយៈការខិតខំប្រឹងប្រែងឥតឈប់ឈរ ក្នុងការសម្រេចឱ្យបាននូវការសន្យារបស់ពួកយើងជូនចំពោះអតិថិជន និងអ្នកពាក់ព័ន្ធ​ ប៊ីវីអឹម ទទួលបានកេរ្តិ៍ឈ្មោះយ៉ាងគាប់ប្រសើរ ថាជាក្រុមហ៊ុនផ្គត់ផ្គង់ផលិតផលដែលមានគុណភាព និងផ្តល់នូវសេវាកម្មប្រកបដោយទំនួលខុសត្រូវ។

អ្វីដែលធ្វើឱ្យពួកយើងលេចធ្លោ គឺការប្ដេជ្ញាចិត្តយ៉ាងមុតមាំរបស់ពួកយើងក្នុងការអនុវត្តការងារដើម្បីបំពេញចិត្ត និងផ្តល់ភាពកាន់តែល្អប្រសើរជូនអតិថិជនពីមួយថ្ងៃទៅមួយថ្ងៃ។ ជាមួយនឹងក្រុមបុគ្គលិកដែលមានភាពស្វាហាប់ជាង ១៧០នាក់ ពួកយើងប្តេជ្ញាចិត្តបំពេញបេសកកម្មរបស់ពួកយើងក្នុងការក្លាយជាម៉ាកយីហោប្រេងក្នុងស្រុកដែលគួរជាទីទុកចិត្តបំផុតនៅក្នុងប្រទេសកម្ពុជា។

នៅក្រុមហ៊ុនប្រេងឥន្ធនៈ ប៊ីវីអឹម ពួកយើងផ្ដោតលើគុណភាព និងប្រសិទ្ធភាពក្នុងគ្រប់ផ្នែកនៃប្រតិបត្តិការ។ ចាប់តាំងពីលទ្ធកម្មនៃផលិតផលរហូតដល់សេវាកម្មដឹកជញ្ជូនទៅដល់ទីតាំងអតិថិជន ឬស្ថានីយ ពួកយើងធានាថា អតិថិជនរបស់ពួកយើងនឹងទទួលសេវាកម្មដែលល្អប្រសើរបំផុតពីក្រុមការងារ។ តាមរយៈការគាំទ្រ និងជំនឿចិត្តដែលអតិថិជនមានចំពោះ ប៊ីវីអឹម ធ្វើឱ្យពួកយើងរក្សាចំណែកទីផ្សារជាក្រុមហ៊ុនក្នុងស្រុកនាំមុខមួយក្នុងវិស័យផ្គត់ផ្គង់ប្រេងឥន្ធនៈ។

ទទួលយកបទពិសោធន៍ល្អប្រសើរពីក្រុមហ៊ុនប្រេងឥន្ធនៈ ប៊ីវីអឹម ដែលជាក្រុមហ៊ុនផ្តោតលើគុណភាព និងសេវាកម្មជាអាទិភាពចម្បងក្នុងការឆ្លើយតបទៅនឹងទំនុកចិត្តរបស់អតិថិជន។