សួស្តី ខ្ញុំឈ្មោះ ស៊ុន សុភា ខ្ញុំកំពុងសិក្សាឆ្នាំទី3 នៅសកលវិទ្យាល័យ អាស៊ី អឺរ៉ុប ជំនាញ ព័ត៌មានវិទ្យាហើយបច្ចុប្បន្នខ្ញុំបានចូលបម្រើការងារនៅ ប៊ីវីអឹម ជាអ្នកហាត់ការផ្នែករចនាក្រាហ្វិកនៅក្នុងនាយកដ្ឋានទីផ្សារ និងទំនាក់ទំនង។

ខ្ញុំចូលចិត្តសិក្សាជំនាញ ព័ត៌មានវិទ្យា ព្រោះវាជាការប្រើប្រាស់ប្រព័ន្ធកុំព្យូទ័រដើម្បីគ្រប់គ្រង ដំណើរការ ការពារ និងផ្លាស់ប្តូរព័ត៌មាន ប៉ុន្តែខ្ញុំក៏ស្រលាញ់ផ្នែករចនាក្រាហ្វិក ផងដែរ ជាពិសេស របៀបនៃការប្រើប្រាស់ភាពច្នៃប្រឌិតនៅក្នុងការរចនា។ ហើយការរចនានេះ ជាចំណង់ចំណូលចិត្តរបស់ខ្ញុំមួយ ក្នុងចំណោមចំណង់ចំណូលចិត្តជាច្រើនរបស់ខ្ញុំផងដែរ។ ខណៈពេលដែលខ្ញុំរចនាផ្ទាំងរូបភាពនៅពេលទំនេររបស់ខ្ញុំ ខ្ញុំបានគិតថាខ្ញុំចូលចិត្ត ស្រឡាញ់ និងចង់ក្លាយជាអ្នករចនាក្រាហ្វិក។

នេះជាមូលហេតុដែលខ្ញុំសម្រេចចិត្តចូលបម្រើការនៅ ប៊ីវីអឹម ជាអ្នកហាត់ការផ្នែករចនាក្រាហ្វិក ដោយសារខ្ញុំមើលឃើញថាតួនាទីនេះសាកសម សម្រាប់គោលដៅអាជីពនាពេលអនាគតរបស់ខ្ញុំ។ ខ្ញុំជឿជាក់យ៉ាងមុតមាំថាការធ្វើការនៅ ប៊ីវីអឹម នឹងផ្តល់ឱ្យខ្ញុំនូវឱកាសដើម្បីកែលម្អជំនាញរបស់ខ្ញុំ និងរៀនពីអ្នកជំនាញដែលមានបទពិសោធន៍។ ខ្ញុំពិតជារំភើបដែលបានក្លាយជាផ្នែកមួយនៃក្រុមការងារដែលមានភាពច្បាស់លាស់ក្នុងការប្រកបការងារជាក្រុម និងដើម្បីប្រយោជន៍រួមក្រុម។

ខ្ញុំបានរៀបចំខ្លួនឯងរួចជាស្រេចដើម្បីទទួលយកបញ្ហាប្រឈមថ្មីៗ ហើយខ្ញុំនឹងប្រើប្រាស់ជំនាញរបស់ខ្ញុំ ដើម្បីរួមចំណែកក្នុងក្រុមនិងក្រុមហ៊ុនទាំងមូល។

Author: admin