ពួកយើង ផ្តោតសំខាន់ទៅលើការចែកចាយ ឬលក់បោះដុំ ទៅកាន់អតិថិជនចែកចាយបន្តចំនួន ៤០ អតិថិជន ដែលពួកគេធ្វើការចែកចាយផលិតផលរបស់ពួកយើង ដោយប្រើប្រាស់រថយន្តស៊ីទែនផ្ទាល់ខ្លួនដឹកទៅកាន់អតិថិជនបន្តនៅក្នុងប្រទេសកម្ពុជា។ ពេលនោះ ប៊ីវីអឹម មានមន្ត្រីបើកបររថយន្តស៊ីទែនដឹកប្រេងចំនួន ១១នាក់ ដែលស្មើនឹង ២៥% នៃចំនួនបុគ្គលិកសរុបទាំងអស់របស់ក្រុមហ៊ុននៅគ្រានោះ។ ឆ្នាំ ២០១០ គឺជាពេលវេលាដែលល្អបំផុតសម្រាប់អាជីវកម្មចែកចាយប្រេងរបស់ពួកយើង ដែលធ្វើឱ្យ ប៊ីវីអឹម ក្លាយក្រុមហ៊ុនប្រេងឥន្ធនៈក្នុងស្រុកធំមួយនៅក្នុងប្រទេសកម្ពុជា ក្នុងខណៈពេលដែលការប្រកួតប្រជែងក្នុងទីផ្សារនៃវិស័យនេះនៅមានកម្រិតទាបនៅឡើយ។